Injured	Killed
2	0

Date: 31 March 2013
Source: Bombo Radyo

ZAMBOANGA CITY – Sugatan ang isang miyembro ng Cafgu makaraang tagain ng kanyang nagka-engkuwentro habang sugatan din ang suspek nang makaganti rin ng putok ang biktima.

Kinilala ng pulisya ang biktima na si Bing-Bing Lucero, 40, naka-assign sa 9th Zamboanga del Sur Bravo CAFGU Company na nasa ilalim ng 5th Infantry Battalion (IB) ng Philippine Army (PA) sa may Barangay Mahayag sa nasabing bayan.

Lumalabas sa imbestigasyon ng Dimataling municipal police station na nagkagirian umano ang suspek at ang biktima na nauwi sa pananaga.

At para maprotektahan ang kanyang sarili, binaril din ng sugatang Cafgu ang suspek na si Aranas y Jumantoc, 35, na tinamaan sa kanyang binti.

Kasalukuyang ginagamot sa magkahiwalay na ospital ang dalawa habang patuloy na iniimbestigahan pa rin ng mga otoridad ang naturang pangyayari. (MRDS)