Injured	Killed
1	0

Date: 17 April 2013
Source: Bombo Radyo

ZAMBOANGA CITY – Patuloy na nilalapatan ng lunas ngayon ang isang miyembro ng Cafgu makaraang barilin ng hindi nakilalang salarin pasado ala-1:00 ng madaling araw habang nasa loob ng isang lodging house sa may Flores Street, Barangay Maligaya, Lamitan City, Basilan.

Base sa ulat ng Lamitan City police station, nasa kritikal ang kondisyon ngayon ng biktimang si Richard Del Rio Macotocruz, 25, residente ng Barangay Bohe Tambis, Tuburan, Basilan dahil sa grabeng tama ng bala mula sa caliber .45 pistol na tumama sa kanyang mukha.

Hindi pa malinaw sa ngayon sa mga otoridad kung ano ang ginagawa ng biktima sa loob ng nasabing lodging house na pagmamay-ari umano ng isang barangay kapitan ng nasabing lugar.

Inaalam rin ngayon ng pulisya kung sino ang posibleng kasama ng biktima na pumasok sa loob ng lodging house na maaaring may kinalaman din sa nangyaring pamamaril. (MRDS)