Injured	Killed
0	1

Date: 28 May 2013
Source: Bombo Radyo

BACOLOD CITY – Nabutang sa hot water kag padayon nga ginapangita sang mga otoridad ang isa ka katapo sang CAFGU na ginatudlo suspetsado sa pagpangluthang-patay sa isa ka sibilyan sa Brgy. Pandanon-Silos, banwa sang Murcia, Negros Occidental kahapon.

 

Madasig nga nagpalagyo ang suspetsado nga si Ronald Taghoy matapos sini ginluthang-patay si Romeo Lastimoso, 42-anyos, pumuluyo sang nasambitan nga lugar.

 

Suno kay 303rd Infantry Brigade Commander Col. Jon Aying, ila na ginpakig-angutan ang mga himata ni Taghoy agud makumbinser ini nga maguwa gikan sa ginapanaguan agud masuguran na ang imbestigasyon kag kaso.

 

Base sa imbestigasyon gintuyo lamang ni Taghoy nga sawayon ang nagamaoy nga si Lastimoso sa guwa sang baylehan apang wala nagpati.

 

Nag-intra naman ang anak sang biktima nga si Lito Cabillo apang sang tuyo na ini nga luthangon ni Taghoy, iya ini natapi kag nag-igu kay Lastimoso.