Injured	Killed
2	0

Date: 31 July 2013
Source: Bombo Radyo

NAGA CITY – Parehong nagpaparahay ngunyan an suspetsado asin biktima sa nangyaring pananaga sa Quezon, Quezon.

 

Ini an cawsa sana kan inggit kan suspetsado na si Sonny De Las Alas na residente sa Barangay Villa Mercedez kun saen nangyari an insidente.

 

Sa impormasyon na ipinadara kan Quezon Police Provincial Office sa Bombo Radyo Naga, uminabot suboot an suspetsado sa lugar na burat.

 

Kinukulit suboot kaini an nag-iinumang biktima na sinda Joseph Lebatores asin Gabriel Cantillana.

 

Gusto kaya ni Sonny na makipag-inuman sa duwa alagad huli sa dai pinagbigyan kan duwa, pignbunot kaini an saiyang darang sundang asin pinagtataga an duwa.

 

Nakabalos man an saro sa mga biktima matapos na saksakon an suspek kan sarong patarom.

 

Parehong nagsapo nin lugad an tolo asin tulos na dinara sa ospital na hinahalat na sana ngunyan kan mga otoridad na makaluwas nin ospital.