Injured	Killed
2	0

Date: 31 July 2013
Source: Bombo Radyo

NAGA CITY – Nakakulong ngonian an sarong 42-anyos makalihis probaran na tagaon an live-in partner asin aki kaini sa Candelaria, Quezon.

 

Binisto ini na si Ramon Noga Jarabese live-in partner kan biktima, sarong junkshop worker asin residente kan Barangay Malabanban Norte.

 

Basado sa impormasyon, sibot an biktimang si Flordeliza Mansion Alde, 47-anyos sa paglinig sa saindang kusina kan mapagmata an burat na suspetsado sa ribok hale sa luwas kan saindang harong.

 

Nagluwas suboot ini asin kinurahawan an mga nagaagi asin narisa kaini an puon nin lemonsito.

 

Pigsugo kaini an biktima na putulon ini alagad nakiulay ini na dae ini hiruon alagad may kapot na palan ining sundang asin tulos na pinutol an lemonsito.

 

Maging an manok na nasa natad ninda an pinugutan man an payo kan suspetsado.

 

Matapos kaini, inatubang kan suspetsado si Flordeliza asin pigprobaran na tagaon asin pigsabihan na magpundo.

 

Huli sa ribok, napagmata an aki kaining 7-anyos asin naghihibo na niranihan kan suspetsado asin pigprobaran man na tagaon.

 

Nagkurahaw an biktima sa saiyang mga aki na magdalagan an iba kaining tugang asin magdulag.

 

Dae pa man napundo an suspetsado asin kinurahawan an mga aki na dae na magbalik.

 

Tulos man na naipaabot an insidente sa otoridad kaya nadakop an suspetsado asin naatubang ngonian sa kasong pagbalgar sa RA 9262.