Injured	Killed
0	1

Date: 13 April 2013
Source: Bombo Radyo

BUTUAN CITY – Brutal nga gipatay ningmi-aging alas-6:30 sa gabii, sa tulo ka wala ma-ilang lalaki ang usa ka barangay councilor samtang angol usab ang usa ka CAFGU member gamit ang wala pa masutang kalibre sa armas didto sa Barangay Berseba, Bayugan City, lalawigan sa Agusan del Sur.

Nasayran nga ang biktimang si Jenny Agipo, 44-anyos, nakighinabi uban sa iyang pamilya og higalang si Pio Lamit, Jr. usa ka Cafgu member, sulod sa iyang pinuy-anan dihang mi-atake ang mga responsable.

Migawas sa report nga ang mga suspek, misulod sa balay sa biktima og gipusil kini sa nagkada-iyang parte sa iyang lawas.

Luwason na unta ni Pio ang biktima apan gipusil kini sa laing suspek agi sa bintana. Patay on the spot ang konsehal samtang ang Cafgu member daling gidala sa New Bayugan Medical Center aron tambalan ang samad-pinusilan sa iyang bat-ang.

Nanguha pa og dugang mga ebidensya ang kapulisan aron masuta ang motibo sa pagpatay og mapasakaan gilayon og tukmang kaso ang mga responsable.