CAGAYAN DE ORO CITY – Hinoldap ng tatlong armadong kalalakihan ang isang kilalang beauty cosmetics company na nasa Villanueva, Misamis Oriental kaninang umaga. 

 

Hinoldap ng mga suspek ang branch ng Avon Cosmetics sa nasabing lugar. 

 

Ayon kay S/Insp Rogelio Labor, hepe ng Villanueva Police Station, pawang armado ng .9mm pistol ang mga suspek na nanloob sa establisyemento na sakay ng getaway vehicle na motorsiklo. 

 

Natangay ng mga suspek ang mahigit P338,000 na kita sa naturang kompaniya. 

 

Patuloy pang pinaghahanap ngayon ng pulisya ang mga suspek na mabilis na tumakas sa hindi malamang direksiyon matapos ang panloloob.