Injured	Killed
0	0

Date: 18 February 2013
Source: Bombo Radyo

ROXAS CITY – Nagalab-ut sa P22,000 ang nadala palagyo sang tatlo ka mga kalalakinhan nga pwersahan nga nagsulod sa isa ka drug store sa Roxas Avenue, Roxas City. Ginsulod sang mga suspek ang Super K drug store, matapos gin-agawagan sang pusil kag gintutukan ang security guard. Suno sa gwardiya nga si Kevin Cartujano, 20, sang Barangay Cabugao, sining syudad, nakibot na lamang ini sang hinali nga gin-agaw sang isa ka suspek ang iya gina-uyatan nga .38 kalibre nga pusil kag gintutok sa iya samtang ang duha ka iban pa ang nagsulod sa botika kag ginkuha ang tanan nga kwarta gikan sa cashier nga si Carmela Villamor, 22. Gilayon naman nga nagpalagyo ang mga suspek sakay sa isa ka motorsiklo. Padayon karon ang imbestigasyon sang pulisya sa nasambit nga insidente matapos nga ginsulod man sang mga holdaper ang Mercury Drug Store sang nakaligad nga semana.