Injured	Killed
0	1

Date: 10 July 2013
Source: Bombo Radyo

BACOLOD CITY – Patay ang bodyguard sang ABC (Association of Barangay Chairmen) president sa banwa sang Calatrava, Negros Occidental matapos ginluthang.

 

Ginkilala ang biktima nga si Danilo Alegre 42-anyos kag residente sang Brgy. Silang, Don Salvador Benedicto nga nag-angkon sang duha ka igo sang bala nga gintunaan sang iya kamatayon.

 

Nahibaluan nagikan kay Senior Insp. Rolly Pondevilla, hepe sang Calatrava Police Station, ginluthang ang biktima alas 10:30 kaina sang aga samtang yara sa merkado sa nasambit nga banwa.

 

Nahibaluan nga buot kuntani magapa photocopy ang biktima sang ini ang ginluthang sang suspetsado nga madasig nga nagpalagyo sakay sa motorsiklo pagkatapos nahimo ang krimen.

 

Si Alegre ang body guard ni ABC President Regolio Villagracia nga yara sa sulod sang ABC hall sang nagluntad ang insidente.

 

Nagapadayon pa ang imbestigasyon sang kapulisan kon ano ang motibo kag suspetsado sa pagpatay sa biktima.