Injured	Killed
0	0

Date: 19 January 2013
Source: http://www.sunstar.com.ph/superbalita-davao/balita/2013/01/19/bay-sa-board-member-gipaarakan-263746

SARANGANI — Natusak-tusak sa bala ang panimalay ni Sarangani Board member Eugene Alzate human gipaarakan mga alas 2:20 sa kaadlawon niadtong Biyernes didto sa Barangay Poblacion, Glan.

Sigun ni Sarangani Provincial Director Senior Supt. Edwin Minion nga suwerte nga walay naigo sa dihang giarakan og mga bala sa armas ang balay sa opisyal.

Unom ka empty shell ug duha ka slug sa .45 nga pistola ang nakuha gikan sa crime scene.

Suma ni Minion nga subay sa pamahayag sa mga testigo nga usa lang ang suspek nga nakamotorsiklo nga nagtabon sa nawong.

Naigo ang sakyanan ni Alzate, apan maayo na lamang nga way tawong napagan.

Sa pagkakaron, padayon pa ang imbestigasyon sa hitabo, diin wala pay matumbok ang kapulisan kung kinsa ang responsable ug unsa ang motibo sa pagpamusil.

Apan nagduda si Alzate nga posibleng hinimoan kini sa mga tawo nga dunay kasuko kaniya, ilabi na sa natad sa politika. (Edgardo Fuerzas)