Injured	Killed
0	2

Date: 31 July 2013
Source: Bombo Radyo

DAVAO CITY – Diha-diha nga nabugtu-an sa iyang kinabuhi ang biktima sa pagpamusil sa Sta. Maria, Davao del Sur.

 

Kini human nga gipusil ang biktima pasado alas 9:00 ang takna sa kagabhi-on, samtang naga-inum ang biktima sa usa ka balay imnanan ug Vedioke Haus sa Sta. Maria, Davao del Sur.

 

Naila ang biktima nga usa ka Jeffrey Dasalialuna, 18 anyos, wala’y trabaho, residente sa sitio Dalupinas, Barangay Poblacion, Sta. Maria, Davao del Sur.

 

Nakahi-agum ang biktima ug samad pinosilan sa iyang likud ug bukton nga bahin, hinongdan nga gi-deklara kini nga dead on arrival paghi-abot sa Pedidad Medical Hospital sa lungsod sa Sta. Maria, Davao del Sur.

 

Ang kauban niini nga gibalhin karon sa Davao del Sur Provincial Hospital naila nga usa ka Allan Tan, dese siete anyos, residente sa sama ng dapit.

 

Sa pasi-una nga imbestigasyon sa kapolisan sa Sta. Maria PNP uban kang PO2 Joso Perater nasayran nga samtang ang nahisgutan nga mga biktima nanag-inum sa usa ka vediokehan nga gipanag-iya sa usa ka Gil Rellon sa nahisgutan nga dapit kalit na lamang nga mi-abot ang wala maila nga suspetsado ug gipusil ang biktima hinongdan nga naka-angkon ug samad pinosilan sa iyang lawas nga bahin.

 

Dali nga miikyas ang armado. Ang duha ka mga biktima dali nga gidala sa balay tambalanan, apan nabugtu-an gayud sa iyang kinabuhi si Jeffrey De Luna nga gi-deklarang patay ni Dr. Almer Lumain.