Injured	Killed
0	1

Date: 21 April 2013
Source: Bombo Radyo

LEGAZPI CITY — Deklaradong dead on arrival sa ospital an sarong barangay kagawad kan Brgy. Puro, banwaan nin Aroroy Masbate makalihis ining tambangan asin pagbabadilon kan duwang dai nabistong armadong kalalakihan.

Sa impormasyon na ipinaabot ni Col. Arnold Albis kan Regional Special Operation Task Group (RSOTG) – Masbate, bandang alas-7:30 kasubanggi kan pagbabadilon kan mga suspek na sakay nin kolor pulang motorsiklo an biktima na si Felix Alfurnan y Bausin, 54 anyos, may agom asin resindente kan nasabing barangay.

Tulos man na nagdulag an mga suspek sakay kan saindang motorsiklo pasisiring sa direksyon kan Brgy. Paniki, nasambitan ng banwaan.

Nagpasiring man an mga personahe kan Aroroy Municipal Police Station sa crime secne sa pamamayo ni Pol. Insp. Joselito Aquino kun saen narecover an sarong basyo nin calibre 45 badil.

Inalerto man kan RSOTG an mga adjacent na police station siring man an mga detachment kan mga militar para sa entrapment operation alagad nagpalyar an mga ini na madakop an mga suspek.

Sa ngunian, nagdugang pa nin intel operatives na pinagdeploy sa lugar ngani na magguno nin impormasyon para sa ikakadakop kan mga suspek..