Injured	Killed
0	1

Date: 08 June 2013
Source: Bombo Radyo

BACOLOD CITY – Patay ang manager sang isa ka bar and restaurant sa ciudad sang Bacolod matapos ginluthang kaina sang kaagahon.

 

Ginkilala ang biktima nga si Melecio Endrinal, 38-anyos, may asawa kag residente sang Purok Villa, Barangay Singcang Airport, Bacolod City.

 

Base sa imbestigasyon sang kapulisan ginluthang ang biktima samtang nagakaon sa isa ka kansi house sa area sang Golden Field Commercial Complex kaupod ang iya tinawo kag ginapahayag nga karelasyon sini.

 

Duha ka lalaki ang ginpahayag nga nag-abot sa lugar kag hinali nga nagluthang sa biktima nga naigo sa iya ulo kag dughan.

 

Nadala pa sa ospital si Endrinal apang gindeklarar nga dead on arrival.

 

Suno sa mga nakakita, matawhay nga nagbiya sa lugar ang mga suspetsado nga nagalakat nga daw sa wala lang sang may natabo.