Injured	Killed
0	1

Date: 08 February 2013
Source: Bombo Radyo

LA UNION – Agtultuloy ti imbestigasyon dagiti otoridad idiay Balaoan, La Union seknan iti nasarakan a maysa a bangkay ti lalaki a biktima ti pammaltog, iti kataltalunan a paset ti Barangay Bul-bulala ti nasao nga ili.

Iti biktima ket nabigbig iti nagan a Jayson Estela, 27-anyos, addaan ti asawa, maysa a construction worker, ken residente ti nasao met laeng a lugar.

Maibasar iti report, agawiden ti biktima manipud iti naki-inninoman na a pagtaengan ti managan Jonathan Natura ti nadakamat met laeng a lugar, idi paltogan iti saan pay a nabigbig a suspek a nakatirwan iti barukong ken nakatayan ni Estela.

Madama iti panangtakwat dagiti otoridad iti kinasiasino ti suspek ken motibo ti krimen.

Kabayatanna, inlawlawag ti Balaoan PNP a saan a maibilang nga election related violence iti nasao a pasamak, agsipudta saan a konektado ti biktima iti siasinoman a pulitiko.