Sa interview sang Bombo Radyo kay PO2 Rex Diaz sang Arevalo Police Station, ginkilala ang biktima nga si Gloria Cabanias, ginabanta kapin 60 anyos ang edad kag nagatrabaho bilang caretaker sang ginapatindog nga balay sa lugar nga ginapanag-iyahan sang pamilya Rubino.

 

Sa impormasyon nga nakuha sang mga pulis, ulihi nga nakit-an ang biktima antes nasapwan patay nga kaupod ang isa ka construction worker nga ginkilala kay Mark Bonasas alyas Manny Alog sang Rizal, Cabanatuan, Nueva Ecija apang temporaryo nga naga-estar sa Brgy. Bagacay, Tigbauan, Iloilo.

 

Ang nasambit nga construction worker ang indi na subong makit-an matapos wala na nagbalik sa trabaho.

 

Hibaluon naman sang mga pulis kun may kahilabtanan ang construction worker sa kamatayon sang biktima sa tion nga makumpirma ang foul play sa insidente.