Injured	Killed
0	1

Date: 13 April 2013
Source: Bombo Radyo

CAGAYAN DE ORO CITY – Anaa karon sa kritikal nga kahimtang ang usa ka bana nga mamaligya-ay ug isda, human kini dunggaba sa iyang asawa diha sa Villanueva, Misamis Oriental kagabii.

Naila ang biktima nga si Rudy Damayla-on, 44-anyos samtang ang suspek mao ang iyang kapikas nga si Jenna Damayla-on nga residente sa maong lungsod.

Mibati matud pa sa grabeng kasuko si Jenna human niya masapon ang iyang mister nga nakig-iring-iring sa laing babaye pinaagi sa cellphone.

Tungod sa grabeng kasuko ni Jenna mikuha kini sa icepick ug gidunggab ang iyang bana sa makadaghang higayon.

Nakaangkon si Rudy ug samad dinunggaban sa iyang likod, bukton ug uban pang bahin sa iyang lawas.

Ang maong bana padayon pang gitambalan sa Northern Mindanao Medical Center samtang ang suspek nga asawa padayon usab nga gipangita sa kapolisan kay misibat kini human sa maong insidente.