Injured	Killed
0	1

Date: 31 July 2013
Source: Bombo Radyo

DAGUPAN CITY – Inatey so sakey ya balolaki kayarin saksaken na sarili ton tatay lapud say pansaket tonya ed nanay to ed baley na Binalonan luyag na Pangasinan.

 

Akabatan so biktima ya si Virgilio Beneza, 21-anyos ya residente na abetlan lugar.

 

Lapud say impormasyon na kapulisan, paugep la so suspek ya si pa Reynaldo Beneza tan asawa ton nen simabi so akainom dan anak tan mangugulo.

 

Binano iya na nanay to balet imbes na undengel et sinakitan to niya dyad panamegley na lanpekpek na akasabit ya display ed abong da.

 

Anengneng iya na suspek katon nanbelunget so pakanengneng to tan agawan sakitan so sarilin anak.

 

Awalaan iya na taluran saksak ed beneg ya tampol ton inpatey.

 

Naantaan ya wadyad met ed impluwensiya na alak so suspek nen nagawa so insedente.

 

Nandesisyon met so asawa tonyan aga la sampaaan na kaso so asawa tonya.