Injured	Killed
0	1

Date: 29 April 2013
Source: Bombo Radyo

LAOAG CITY – “Dead on the spot” ti maysa a balikbayan manipud Paris, France kalpasan a pinaltopaltogan ti riding in tandem iti sanguanan ti Brgy. Mangato, ti ciudad ti Laoag idi rabii laeng.

Nabigbig ti biktima a ni Zaldy dela Cruz, 46 , addaan ti asawa ken residente ti Brgy. 38-A, Mangato, ciudad ti Laoag.

Segun iti kabsat ti biktima a ni Robert dela Cruz, bayat a sarsarunuen na ti kabsat na no sadino nga agpada da a nakalugan ti saggaysa da a motorsiklo ket kellaat lattan a pinalto-paltogan ti riding in tandem ti biktima idin ta makabatog da iti sanguanan ti kamposanto.

Kalpasan a napaltogan ti kabsatna ket kinamat na ti riding in tandem a saan a nagusar ti helmet agingga a nakadanon da iti mall ti ili ti San Nicolas no sadino a pinaputukan da met ti namindua a daras ngem nagasat a saan a natamaan.

Awan pay ti naduktalan dagiti otoridad a motibo ti krimen ken no ania a kalibre ti paltog ti inusar dagiti suspek.

Plano ti PNP Laoag ti mangimbitar iti kabsat ti biktima ken sumagmamano a sabsabali a mabalin nga adda maitedna nga impormasyun iti insidente