Injured	Killed
0	0

Date: 31 July 2013
Source: Bombo Radyo

ROXAS CITY – Masobra sa P115,000 nga balor sang kwarta kag alahas ang nadala sang kawatan matapos ginsulod ang balay sang isa ka piskal sa Barangay Cudian, Ivisan Capiz.

Ginpabutyag ni P/Insp Brian Fallera, ang hepe sang Ivisan police station, nga nagalab-ut sa P82,000 nga kwarta nga cash ang nakuha sang wala pa makilala nga makawat gikan sa balay ni Provincial Prosecutor Edwin Devano.

Ini ang magluwas pa sa mga alahas nga nagalab-ut sa balor nga P35,000.

Nagagwa sa inisyal nga imbestigasyon sang pulisya nga mahimu isa ka menor de edad ukon may kaupod nga bata ang suspek bangud nakasulod ini sa gamay nga bintana sa nalikod nga bahin sang balay.

Suno kay Fallera, naabtan na lamang sang asawa sang piskal nga nagalapta na ang mga gamit sa sulod sang ila nga hulot kag nadula ang kwarta nga nakabutang sa bulsa sang polo shirt.