Injured	Killed
0	0

Date: 01 June 2013
Source: Bombo Radyo

DAVAO CITY – Gituohan nga duna’y kalabotan sa panag-ilog sa propedad ang pagpanglabay ug Granada alas 10:00 ang takna kagabii sa usa ka balay nga nahimutang sa kanto Molave ug Calamansi St., Juna Subdivision, Davao City.

 

Mga usa ka peye ang giladmon sa namugna nga lungag human mibusikad ang gilabay nga granada.

 

Nasayran nga usa ka M26 Fragmentation Granade ang gigamit sa pagpabusikad sa lugar.

 

Ang gilabay ug granada nga balay gipanag-iya sa usa ka Egyptian national nga usa ka Handy Ali Mohamed Amid, 47 anyos, tua nakabase sa Egypt ug ang nahabilin sa balay mao si Sara Mupak Taya, isip caretaker sa nahisgutan nga pinoy-anan.

 

Ikaduhang anggulo mao ang pagkahilambigit sa kanhi tag-iya niini sa rafficking in person nga nagpadayon pa ang pagtaral sa hukmanan.

 

Atol sa pagbusikad sa granada nadanyos ang atubangan nga salamin ug jelousy ug kesame sa balay.

 

Apil na nadanyos ang mini bus nga nagparking lamang sa sulod sa compound. Nasayran kang Sara Mupak Taya nga unom sila sulod sa nahisgutan nga balay sa dihang gilabay kini ug Granada kagabii, swerte lamang nga wala’y nasamdan.

 

Niadtong Abril 26 kasamtangan nga tuig gilabay sab kini ug Granada, swerte lamang nga wala kini mibusikad.

 

Usa ka Pablo Vilaber ang mipahimutang ug mga guardya sa nahisgutan nga propedad, apan paghi-abot sa Egyptian national mipatala kini sa Talomo Police Station niadtong Pebrero 22 ug namahayag nga siya ang nanag-iya sa nahisgutan nga propedad ug duna siya’y proyba nga iya kining gibayran.