Injured	Killed
0	0

Date: 30 July 2013
Source: Bombo Radyo

BACOLOD CITY – Luwas nga nakapa-uli ang isa ka babaye matapos ginpahayag nga gin-abduct sang apat ka mga suspetsado sa Bacolod City.

 

Nahibaluan nagikan kay Bacolod City Police Office Spokesman Supt. Armando Tubongbanua, nagalakat-lakat ang biktima nga si Mary Kris Gabiota sa area sang Ramylu Subdivision, Brgy. Tangub kahapon kaupod sa iya abyan nga si Catherine Lamprea sang may isa ka L-300 van nga nagdulog sa ila atubang kag hinali nga ginkuha ang biktima.

 

Base naman sa panaysayon sang babaye, nalipong ini matapos gintapnan sang panyo ang iya baba kag sang naumpawan, may piring na ang mata kag nakagapos ang kamot.

 

Samtang, matapos ang malwig nga pagbiyahe ini ang ginbilin sa kilid sang katubuhan sa diin ini ang nakit-an sang isa ka watchman nga amo ang nag report sang insidente sa kapulisan sa ciudad sang Escalante.

 

Alas 12:30 naman sang kaagahon kaina sang ini ang nakuha sang kapulisan kag nakapauli sa Bacolod.

 

Nakuha naman sa iya ang mga alahas sini mga atm cards, cash kag mga document.