LAOAG CITY – Dead on arrival sa bahay pagamutan ang isang negosyante matapos barilin ng riding in tandem suspect sa Badoc, Ilocos Norte.

 

Kinilala ang biktima na si Lowela Leano Gorospe, may asawa, residente ng Brgy. Caraitan, Badoc at may-ari ng isang kainan sa Badoc gateway.

 

Ayon kay S/Insp Leonardo Tolentino, chief of police ng Badoc, pauwi na si Gorospe nang barilin ng dalawang suspek sakay sa isang motorsiklo.

 

Nagtamo si Gorospe ng limang tama ng bala mula sa 9mm sa kanyang likod.

 

Agad namang tumakas ang mga suspek matapos ang insidente.

 

Hanggang sa ngayon ay wala pang matukoy ang PNP na posibleng motibo at suspek sa naturang krimen.