Injured	Killed
0	1

Date: 25 May 2013
Source: Bombo Radyo

DAVAO CITY – Nanimaho na sa dihang nakaplagan ang usa ka atleta sa Palaro human nga nagpusil sa kaugalingon makaduha ka higayon.

 

Naila ang biktima nga usa ka Jonathen Adorable, 18-anyos, residente sa Catalunan Grande, Davao City.

 

Una nang gikatala nga nawala ang biktima niadtong Lunes, Mayo 20 ug niadtong Mayo 21 gika-report sa pamilya sa buhatan sa kapolisan isip missing person.

 

Kagahapon nakaplagan na lamang ang biktima nga baho na ug dunay mga igo sa ulo ug dughan.

 

Sumala sa amahan sa biktima nga si Joel Sumampong Adorable nga ang kapolisan naka-recover ug upat ka mga bala sa .38 kalibre nga armas ug duha ka mga baseyo.

 

Naka-recover sab ug bala sa 357 nga armas, usa ka unit sa cellphone ug pouch sa bala sa punto 38 nga calibre sa armas.

 

Sumala kang Sumampong hilumom ang iyang anak apan aktibo sa dulang Sepak Takrao sa Catalunan Grande.

 

Milakaw kini niadtong Lunes sa udto ug wala na makauli.