CAGAYAN DE ORO CITY – Patay ang usa ka army official ug samaron ang kauban niini ang nahitabong engkuwentro tali sa mga rebeldeng New People’s Army kon NPA sa Brgy. San Luis,Malitbog,Bukidnon.

 

Sa paghinabi sa Bombo Radyo Cagayan de Oro, gisaysay ni 4th ID spokesman Maj Leo Bongosia nga giila ang namatay nga si 2nd Lt. Dennis Avila samtang ang samaron giila usab nga si PFC Aleps Andilong nga pulos sakop sa 58th IB sa Philippine Army.

 

Matud ni Bongosia nga gibana-banang 30 ka rebelde ang nakasangka sa grupo ni Avila nga miluntad sa usa ka oras.

 

Nagtoo usab si Bongosia nga may naigo sa panig sa mga rebelde tungod sa mga nabiling lama-lama sa dugo sa encounter site.

 

Hisayrang si Avila ang tubong Tarlac samtang si Andilong ang padayon pang gitambalan sa Camp Evangelista Station Hospital sa 4th ID headquarters dinhi sa dakbayan.