KORONADAL CITY – Patay ang isang miyembro ng Cafgu nang inatake ng hindi nakilalang grupo ng mga rebelde ang isang military detachment sa Bongmal, Sitio Aliong, Tampakan, South Cotabato.

 

Ayon sa impormasyon, alas-7:00 ng umaga nang inatake ng mga rebelde ang detachment ng 27th Infantry Battalion ng Philippine Army sa nasabing lugar.

 

Sa nangyaring palitan ng putok, binawian ng buhay si Romeo Marila isang Cafgu at residente ng Kimlawis, Kiblawan, Davao del Sur.

 

Patuloy namang inaalam ng militar kung may casualty sa panig ng mga suspek.