Injured	Killed
0	0

Date: 08 June 2013
Source: Bombo Radyo

ILOILO CITY – Isa ka armado nga lalaki ang nasiplatan pasado alas-9:00 kagab-i nga nagabantay sa gwa sang istasyon sang Bombo Radyo Iloilosa Mapa St., Iloilo City.

 

Ini ang una nga nasiplatan sang traysikad driver nga naglabay nga nagpamangkot diri kung masakay ini sa traysikad kag ginsugid sa tinawo sang Sky City Tower sa diin nahamtang ang istasyon sang Bombo Radyo.

 

Sunu kay Engr. Jerome Marcelino, maintenance engineer sang Sky City Tower, ang lalaki nakaposte ginabanta 50-70 metros ang kalayuon sa Sky City Tower kag nagasuksok sang short kag puti nga t-shirt.

 

Mangin ang security guard sang katupad nga Gaisano Mall nga si Melgo Chavez ang nakakita man sa armado nga lalaki sa diin isa ka UZI semi-automatic pistol ang nakit-an sini nga dala sang lalaki.

 

Matapos mahalata nga natukiban na ang iya presensya, nagpalagyo ang lalaki padulong sa Ortiz St. samtang nagresponde naman ang duha ka patrol car sang Iloilo City Police Office (ICPO).

 

Ginahibalo pa sang mga pulis ang motibo sa presensya sang armado nga lalaki kag ang mahimu kahilabtanan sini sa mainit nga mga isyu nga ginatalakay sa Bombo Radyo.