DEAD on arrival sa ospital ang isang 26-anyos na lalaki makaraang masaksak ng lasing na ama sa Mandaluyong City kagabi.

Nabatid na nagwala ang lasing na ama na kinilalang si Rudy Espinilla sa ‘di pa malamang dahilan. Tinangkang awatin ng anak na si Bernard ngunit inundayan siya nito ng saksak.

Agad namang sumuko sa awtoridad ang suspek ngunit itinanggi nitong siya ang sumaksak sa sariling anak.

Nakatakdang kasuhan ng parricide ang suspek sakaling mapatunayang siya ang may sala sa pagkakapatay sa anak.