Injured	Killed
2	0

Date: 03 May 2013
Source: Bombo Radyo

LEGAZPI CITY – Dai na napugulan pa kan 24-anyos na aki na mahiling na nakukulugan asin naaagrabyado an saiyang ama kaya naggibo kaining pagsasaksakon an duwang kalalakihan sa Albay. Binisto an mga biktima na sinda Simeon Sapiera y Sedilla, 25-anyos asin Noriel Ranola y Monte, 27-anyos asin anas residente kan P2 Barangay Gabon, Polangui, nasabing provincia. Sa inisyal na imbestigasyon, nagluluwas na nilaug kan mga biktima an harong kan suspek na si Regiel Borromeo y Espinocilla, 24-anyos asin pinagsusuntok an ama kan suspek na binistong si Roger bandang alas-6:30 kasubanggi. Huli sa dagit, naggibong manlaban ni Regiel asin pinagsasaksak an mga biktima. Sa ngonyan, nagtetenir pa sa ospital an duwa mantang nasa kustodiya man kan Polangui Municipal Police Station an suspek para sa tamang disposisyon.