Injured	Killed
0	1

Date: 25 May 2013
Source: Bombo Radyo

ROXAS CITY – Isa ka igo sang bala sa ulo ang ginkamatay sang 46-anyos nga mister sang luthangon samtang nagapanyapon sa Barangay Agdalipe, Pontevedra, Capiz.

 

Patay na sang makalab-ut sa Bailan District Hospital si Edison Bendo bangud sa gin-angkon nga patal nga pilas sa ulo tuga sang pagpangluthang sang wala pa makilala nga suspek.

 

Suno sa bayaw sini nga si Noli Bellosilio, hinali na lamang nga natumba si Bendo samtang sila ang magka-upod nga nagapanyapon matapos mabatian ang isa ka lupok sang pusil.

 

Ginpahayag pa ni Bellosilio, nga ginluthang ang biktima gikan sa bintana sang iya nga balay bangud napuruhan ini sa ulo.

 

Padayon naman ang ginapatigayon nga imbestigasyon sang pulisya agud hibaluon ang motibo kag ang pagkatawo sang suspek nga may kahimuan sa pagpatay sa biktima.