Injured	Killed
0	1

Date: 04 July 2013
Source: Bombo Radyo

LOILO CITY – Patay ang isa ka amay matapos nga gintiro sang mga pulis sang iya nga ginlabu ang asawa kag anak.

 

Ang biktima ginkilala kay Felizardo Borris sang Barangay Nagsulang, Lemery, Iloilo.

 

Sa interview sang Bombo Radyo kay Police Insp. Asencion Ortizo, hepe sang Lemery PNP, una nga ginlabu sang suspek ang ila nga ido kag ginsunod ang asawa nga si Ma. Fe Borris sa diin nautod ang nawala niya nga kamot.

 

Nagpalagyo ang asawa sang biktima dala ang ila mga anak kag nagpangayo sang bulig.

 

Pag-abot sang mga pulis, naabutan ang suspek nga ginalabu ang isa niya ka anak nga natabuan nga nagakatulog.

 

Bangud sini, gintiro siya sang mga pulis sa diin target kuntani nga iguon ini sa tiil apang siya ang naigo sa kilid nga iya nga ginkamatay.

 

Ang biktima ang ginapatihan nga may nervous breakdown.