Injured	Killed
0	1

Date: 04 May 2013
Source: Bombo Radyo

CAGAYAN DE ORO CITY-Tungod lamang sa away sa mag-agaw’ng bata,nahitabo ang tinigbasay sa magsoong amahan sa mga bata nga nagresulta sa pagkamatay sa usa kanila sa lungsod sa San Fernando,Bukidnon.

Giila ang biktima nga si Jimmy Alambini,35 anyos samtang ang suspek natumbok usab nga si Dondon Alamabini nga pulos residente sa maong lalawigan.

Matud sa report nga nag away-bata ang mga anak sa magsoon apan nasuko ang biktima sa gidangatan sa iyang anak hinungdang gikasab-an niya ang maong pag-umangkon niini.

Wala usab magustuhi sa igsoon sa biktima ang gihimo niini hinungdang mikuha kini sa sundang ug gitigbas sa makaduhang higayon.

Nagbaton sa samad sa ulo ug pulso ang biktima hinungdang gilayong gidala sa Northern Mindanao Medical Center ning dakbayan.

Apan paglabay sa pipila ka oras nga pakigbugno sa samad niini,hingpit ra gihapon kining nabugtuan sa kinabuhi.

Samtang ang suspek ang padayon pang nagtago-tago sa wala matumbok nga lugar aron makalikay sa pagdakop sa mga otoridad.