NAGA CITY-Patung-patong na kaso an kinakaatubang ngunyan kan sarong ama matapos abusuhon an sadiri sana man niyang aki sa Candelaria, Quezon.

Sa ipinaabot na impormasyon kan Quezon Police Provincial Office (QPPO), napag-araman na sinuntok suboot kan dai na pinangaranang suspetsado an saiyang 14-anyos na aki nin huli sa matanga na ini nakapuli.

Cawsa kaini, duminulag an biktima asin nagrani sa mga opisyal kan Barangay kun kaya tulos na naaresto an suspetsado.

Alagad sa pag-imbestiga kan pulisya, napag-araman na apwera sa pangungulog tig-lugusan man kaini an biktima kan nakaaging bulan kan Abril alagad itinago kan daragita nin huli sa labing takot.

Sa ngunyan, kasong pagbalgar sa RA 7610 o physical abuse asin rape an kinakaatubang kan nasambitan nang suspetsado mantang nasa kustodiya naman kan Municipal Social Worker and Development (MSWD) an biktima.