Injured	Killed
0	1

Date: 03 May 2013
Source: Bombo Radyo

CAUAYAN CITY, Isabela – Patay ang isang lalaking ahente ng palay matapos barilin ng hindi nakikilalang suspek na sakay ng dalawang motorsiklo sa Maharlika Highway Purok 5, Mabini, Santiago City.

Nakilala ang biktima na si Danilo Laurence, 37, may-asawa at residente ng Barangay Raniag, Ramon, Isabela.

Sa pagsisiyasat ng Santiago City Police Office, binabaybay ng biktima sakay ng motorsiklo ang pambansang lansangan nang may dalawang lalaking sakay din ng mga motorsiklo ang tumabi kay Laurence saka binaril ang biktima.

Nakuha sa pinangyarihan ang anim na basyo ng kalibre .45 baril.

Kaagad dinala sa pagamutan ang biktima subalit binawian ng buhay habang nilalapatan ng lunas dahil tama ng bala ng baril.