Injured	Killed
0	1

Date: 13 April 2013
Source: Bombo Radyo

DAVAO CITY – Usa ka sibilyan nga nailang Roque Antibo, 9 anyos nga batang lalaki ang namatay human ang subling panag-engkwentro tali sa mga rebeldeng New People’s Army (NPA) sa Mabini, Compostela Valley Province.

Naigo ug saag nga bala ang biktima hinungdan sa iyang kamatayon.

Samtang, wala pa sab gipanganlan ang duha ka mga sundalo nga namatay ug unom nga samran sa nahisgutang engkwentro.

Una na nga nasayran nga nahitabo ang engkwentro human gibuhian sa mga rebeldeng komunista ang miyembro sa PNP nga si PO3 Magno Nojapa Jr. sa Mawab, Compostela Valley.

Nahitabo ang una nga insidente sa sitio Darot sa Barangay Libudon.

Sumala pa sa mga kasundalohan, nagpahigayon ug combat operation ang tropa nga sakop sa 2nd Scout Ranger Battalion sa lugar sa dihang gipabusikad ang usa ka landmine ug gipaulanan pa ug mga bala sa mga rebeldeng NPA.

Miabot sa halos usa ka oras ang nahisgutang engkwentro.

Duha ka mga sundalo ang patay, ug duha sab ang samran human maigo ug mga sharpnel gikan sa mibusikad nga landmine.

Gisaway sa commander sa 1001st Brigade, nga si Colonel Angelito de Leon, ang paggamit ug landmine sa mga rebelde.

Nagpakita lamang matud pa kini nga talawan ang mga rebeldeng NPA nga sagad na lamang makalapas sa Comprehensive Agreement on Respect for Human Rights and International Humanitarian Law (CARHRIHL).

Dugang pa ni Col de Leon nga nakalatid sa Part 2, Article 2 ug 15 sa CARHRIHL nga hugtanong gi-dili ang paggamit ug landmines.