Injured	Killed
0	8

Date: 22 May 2013
Source: Bombo Radyo

GENERAL SANTOS CITY – Nagmando na ang taga-City Health sa usa ka punerarya sa dakbayan nga ipalubong na ang walo ka patay nga lawas nga ilang gihuptan, kini human gisui ni Dr. Laline Calonzo sa City Health office ang usa ka punerarya ning dakbayan.

 

Positibo si Calonzo sa report niini kang City Health Officer Dr. Edgardo Sandig human gimandu-an ang nasampit sa paghimo ug imbestigasyon kalabut sa giingong mga patay nga lawas.

 

Gumikan niini nakiglambigit gilayon si Dr. Calonzo sa ginsakpan sa City Social Welfare and Development Office aron asikasuhon ang bayrunon sa puneraria.

 

Lakip nga giadtu-an sa taga City Health ang buhatan ni Mary Ann Bakar sa City Planning aron maandam ang luna nga kalubngan didto sa Antonio Acharon memorial garden.

 

Kahinumduman nga mismong ang tag-iya sa punerarya ang miangkon nga ilang gibutangan ug medisina ang walo ka biktima sa salvage nga gibutang sa dakong tub.

 

Nasuta usab nga natigum ang naasoy nga mga patay nga lawas gikan sa mga salvage vicitim nga girespondihan sa kapulisan.