Injured	Killed
0	1

Date: 31 July 2013
Source: Bombo Radyo

NAGA CITY – Mayo na nin buhay kan madukayan an sarong 73-anyos na lolo matapos pagtatagaon sa banwaan nin Lagonoy digdi sa Camarines Sur.

 

Binisto an biktima na si Edmundo Rey Celeste kan Barangay Binanuahan kan nasambitan nang banwaan.

 

Sa intribista kan Bombo Radyo Naga sa imbestigador kan kaso na si PO3 Ely Balmis, sinabi kaini na nagpasiring sana an biktima sa Sitio Putol

Bulod sa Barangay Ginorangan para bisitahon an mga pananom kaini.

 

Alagad dai na suboot ini nakabalik sa saindang harong kan pagtatagaon kan dai pa nabibistong suspetsado.

 

Pagtubod kan mga otoridad na panghahabon an saro sa mga motibo kan suspetsado.

 

Pirmi kaya suboot talagang hinahabonan nin mga pananom si Lolo Edmundo.

 

Posible suboot nadakop kan biktima an suspetsado na nanghahabon nin mga pananom kaya inanggutan ini dalan tangani na magbalos man an suspetsado.

 

Saro pa sa mga pinagtutubodan kan mga otoridad, an darang sundang kan bitkima man sana an ginamit kan suspetsado sa pananaga kaini huli ta solomenteng an kaha na sana suboot kan sundang an nawalat sa lugar kan pinangyarihan mantang mayo na an mismong sundang kaini.

 

Nagsapo an biktima nin kadakol na taga sa maniba-ibang parte kan saiyang lawas dalan para sa tulos man kaining kagadanan.

 

Mientrastanto padagos pa man ngunyan an ginigibong imbestigasyon kan Lagonoy PNP para sa identity kan suspetsado.