| Injured | Killed |
|---|---|
| 7 | 0 |
Date: 20 May 2013
Source: Bombo Radyo
CAGAYAN DE ORO CITY – Gitunulan ug pasidungog sa 4th ID,Philippine Army ang pito ka sundalo nga miembro sa Marine Battalion Landing Team 3 sa Philippine Marines nga samaron tungod sa paghatag seguridad sa Board of Election Inspectors (BEIs) niadtong kamulo pang pagpangandam 2013 midterm elections sa Gingoog City,Misamis Oriental.
Kini human nagpadayon sila nga midawat sa medikasyon sa Camp Evangelista Station Hospital sa 4th ID tungod sa ilang nahiagumang mga igo gikan sa engkuwentro.
Sa paghinabi sa Bombo Radyo Cagayan de Oro,gisaysay ni 4th ID spokesman Maj Leo Bongosia nga kabahin sa ilang nadawat ang wounded personnel medal award ug cash assistance.
Mismo si Vice Admiral Jose Luis Alano kinsa Flag Officer-in- Command sa Philippine Navy ang mihatag sa pasidungog sa mga biktima.Tipik sa mga sundalong naangol sa maong engkuwentro naglakip kanila ni 1Lt Zeus Alondra;SSgt Dennis;Sgt Eric Casalem;Cpl Warner Macalalag;Cpl Mark de los Santos ug Cpl Ambrocio Ancheta.
Hisayrang ania sa Misamis Oriental ang mga sundalong Marino sa Misamis Oriental aron mohatag seguridad sa Gingoog City tungod sa nahitabong pagbanhig sa rebeldeng New People’s Army kon NPA sa convoy kaniadto ni Mayor Ruthie de Lara Guingona nga gikaangol niini ug gikamatay sa duha sa iyang duha ka magsoong personal drivers nga si Nestor Velasco ug Bartolome Velasco.