Injured	Killed
7	0

Date: 03 April 2013
Source: Bombo Radyo

KORONADAL CITY – Naglab-ot na sa 182 ka pamilya ang nagbalakwit sa nagluntad nga pagpang-ambush sang mga rebelde nga NPA sa 7 ka Cafgu sa Sitio Mantisao, Barangay Bual sa banwa sang Isulan, Sultan Kudarat.

Suno kay Larry Geronio, volunteer reporter sang Bombo Radyo Koronadal sa Sultan Kudarat, nagikan ang mga evacuees sa tatlo ka mga sitio sang Barangay Chua kag duha ka mga sitio sang Barangay Bual.

Sa report nga nakuha ni Geronio, nagsugod nga magbakwit ang mga residente sa nasambit nga mga Sitio sang Marso 21 pa matapos nga ginsulod sang mga otoridad ang ila nga lugar bangud sa nabaton nga report gikan sa mga residente nga may naglab-ot sa 300 mil ka board feet sang illegal cut logs didto.

Kaangot sini, ginpahugtan pa sang mga otoridad ang seguridad sa lugar.

Ginhatagan naman sang bulig sang municipal government sang Isulan ang mga evacuees nga nagapabilin sa mga evacuation center.

Nagapadayon man ang inbestigasyon sang kapulisan sa nagluntad nga pagpang-ambush sa mga Cafgu, samtang nagapaayo naman sa mga balaybululngan ang mga pilason.