Injured	Killed
0	1

Date: 04 July 2013
Source: Bombo Radyo

ROXAS CITY-Patay ang isa ka 62 anyos nga balo matapos ginluthang sang wala makilala nga suspetsado sa Barangay Poblacion Ilaya Dumarao, Capiz.

 

Suno sa report, nagapanyapon ang biktima nga si Leoniza Hatzuela sa terasa sang ila puluy-an sang hinali ginluthang sang wala makilala nga suspetsado gamit ang 12 gauge shotgun.

 

Nakaangkon sang pilas sa likod nga bahin sang ulo ang Ginang kag gilayon nga ginpadangat sa Medicare Hospital sa nasambit nga banwa apang gindeklarar nga dead on arrival.

 

Narecover naman sang mga imbestigador sang Dumarao PNP ang isa ka balines sang bala sang dedose nga armas luthang sa lugar sang insedente.

 

Sa karun, padayun pa nga ginaimbestigaran sang pulisya ang motibo sa kremin.