Injured	Killed
0	0

Date: 31 May 2013
Source: Bombo Radyo

NAGA CITY- Pinaghahanap pa man ngunyan kan mga otoridad an suspetsado sa panghoholdap sa sarong gurang sa Lucena City.

 

Sa ipinaabot na impormasyon kan Quezon Police Provincial Office (QPPO), napag-araman na palaog na kuta na sa saiyang harong si Glorina Bugia, 62-anyos, sarong government employee kan biglang uminabot an sarong dai pa nabibistong lalaki.

 

Nagpabisto muna suboot ibi sa pangarang “Rey” antes tinutukan nin badil an biktima asin pwersahang inagaw an dara niyang bag na may lamang kwarta asin mga importanteng dokumento saka duminulag.

 

Maswerte man na dai tinamaan nin bala nin badil an gurang na pinaputukan pa kan suspetsado kan nagkurahaw ini asin naghagad tabang.

 

Pinuprubaran naman ngunyan na bistaduhon kan mga pulis ang suspetsado nin huli sa nawalat kaining labakara.