Subay sa report nga gipagula sa 10th Infantry Division Philippine Army ang unom ka mga landmines na intercept mga alas-12:45 ang takna sa hapon sa Upper Mabuhay, Paquibato District ning dakbayan sa Davao. 

 

Nasayran nga ang mga elemento sa 69th IB Philippine Army nga nagpahigayon ug security checkpoint nga gipangunahan ni Corporal Padayao, nasakmit nila ang unom ka mga landmine nga gisakay sa usa ka TMX Motorcycle nga gimaneho sa usa ka Joey Atienza nga residente dinhi sa dakbayan sa Davao. 

 

Nasayran nga ang unom ka mga landmine i-hatud dapit sa Barangay Lumiad, Paquibato District ning dakbayan sa Davao nga mao ang balwarte sa First Pulang Bagani Command (PBC 1) sa mga rebeldeng NPA. 

 

Anaa kini ubos sa pagpanguna ni Kumander Parago o Leoncio Pitao. 

 

Nagpadayon ang imbestigasyon sa mga tinugyanan sa balaod sa Paquibato Police Station ug mga sakop sa 69th IB Philippine Army aron nga masayran kung asa gikan ang nahisgutan nga landmine nga gi-deliver unta sa Barangay Lumiad, Paquibato District ning dakbayan sa Davao. 

 

Si Joey Atienza gikustodiya na karon sa Paquibato Police Station.