Injured	Killed
5	0

Date: 31 August 2013
Source: Bombo Radyo

ILOILO CITY – Lima ka tawo ang pilason sa natabu nga tiruhay kag bun-anay sa Tuki Convinience Store sa Boardwalk Complex, Diversion Road, Mandurriao, Iloilo City.

 

Duha sa mga biktima ang natiruhan samtang duha naman ang nabun-an kag isa ang ginlampusan sa ulo.

 

Kabahin sa mga biktima ginkilala nga sanday Wensel John Valdez, 17-anyos sang Cagamutan, Leganes, Iloilo nga nalampusan sa ulo; Rjay Javier, 19, sang Hibao-an, Mandurriao nga may igu sang bala sa alatrasan; Jomarie Lopez, 24 anyos sang Bitoon, Jaro nga nabun-an; Renz Alba, 18, sang Tagbak, Jaro nga nabun-an man kag Ryan Tacardon, 17, sang Pakiad, Oton, nga naigu sang bala sa alatrasan.

 

Naglagsanay pa ang mga biktima kag suspetsado tubtub naglab-ot sa Carlos Uy Building sa diin nahamtang ang istasyon sang isa ka Am radio station.

 

Bangud sini, nagresponde man ang special weapons and tactics (SWAT) team matapos makabaton sang impormasyon nga may presensya sang armado nga mga tawo sa building.

 

Nagreklamu naman ang mga yara sa building bangud sa ginaalegar harassment sa ila apang depensa naman sang SWAT, kabahin lamang sang ila standard operating procedures (SOP) ang ila ginhimu.

 

Wala naman na-identify ang mga suspetsado nga sakay sa pribado nga salakyan kag gina-imbestigahan pa ang motibo sa insidente.