Injured	Killed
6	0

Date: 31 January 2013
Source: Bombo Radyo

KORONADAL CITY-Lima ka suldado samtang isa ka sibilyan ang pilason sa paglupok sang landmine nga gintanum suno pa sang mga rebelde nga New People’s Army (NPA) sa Makilala, North Cotabato kagab-i.

Nahibaluan nga on-board sang military truck ang nasambit nga mga suldado kag padulong kuntani sa Charlie Company headquarters sang maigo sang landmine mga takna alas-11:00 kagab-i sa Sitio Alang-Alang, Barangay Kisante.

Ginkilala ang mga pilason nga sanday Cpl. Mohammad Nur Sali, Cpl. Hassan Sarip, PFC Allan Urop, Pvt. Michael Purol kag Pvt. Vincent Sumug-oy.

Sa lima ka pilason, yara naman sa kritikal nga kondisyon si Pfc Urop sa diin gindala pa ini sa Davao City hospital.

Magluwas sa lima, pilason man ang ang isa ka sibilyan nga nagakatulog sa iya sini puluy-an matapos nga maigo sang shrapnel.

Ginapatihan naman nga pagtimalos ang katuyuan sang mga NPA sa nagluntad nga engkwentro sang Martes nga adlaw sa border sang North Cotabato kag Davao del Sur.

Sa nasambit nga engkwentro, patay ang isa ka suldado samtang tatlo ka iban pa ang pilason.

Sa bahin sang mga rebelde, ginapatihan nga apat ang patay sa amo nga engkwentro.