Injured	Killed
0	0

Date: 28 April 2013
Source: Bombo Radyo

NAGA CITY – Pinaghahanap ngayon ng mga otoridad sa Quezon province ang lalaking pinaniniwalaang dumukot sa kanyang sariling pamangkin.

Ito’y matapos bigla na lamang mawala si Roberto Bañas alyas Berto, kasama ang batang si Ma. Ellaine, 5.

Sa panayam kay SPO2 Marites Salas ng PNP sa bayan ng Calauag, sinabi nitong Abril 13 pa nang umalis ang bata sa kanilang tahanan kasama ang kanyang tiyuhin.

Umano’y ipinagbili ng mga ito ang apat na sako ng uling na lingid sa kaalaman ng magulang ng bata.

Batay sa pahayag ng ilang nakasaksi, nakita nilang magkasama ang dalawa at hindi na lamang pinansin dahil sa hindi naman umiiyak ang bata.

Subalit hanggang ngayon ay hindi pa bumabalik ang mga ito kaya’t minabuti na ng mga magulang ni Ellaine na magsumbong sa mga pulis.

Sa ngayon, inaalam pa ng PNP Calauag ang mga lugar na maaaring pagtaguan ng suspek upang maibalik na rin sa kanyang pamilya biktima.