Injured	Killed
8	4

Date: 16 July 2013
Source: Bombo Radio

TACLOBAN CITY – Nakatalaan na nga kasohan yana an suspect nga nag-amok ha Barangay Cantutang, Padre Burgos, Southern Leyte nga iguinkamatay hin upat katawo ngan iguinkasamad hin walo nga iba pa.

 

Subay ha nahikay nga impormasyon han Bombo Radyo Tacloban tikang kan PO2 Emmanuel Casillar han Padre Burgos Police Station, S. Leyte, guinkilala an suspect nga hi Mark Jonnie Pelen residente han mao nga lugar.

 

Nahibaruan nga hubog daw an suspect ngan guintotoohan nga nakadroga hinungdan agud pagpananaw-tawon an hin-o man nga nakakatapo hini gamit an sundang.

 

Dead on arrival ha ospital an duha nga biktima nga hira Rafael Clava, 2, ngan Maria Rodas, 20, samtang ha hospital naman namatay an duha nga iba pa nga hira Princess Jabonero, 23, ngan an usa katuig nga hi Leslie Ann Kaindoy.

 

Padayon naman nga nagpapatambal ha hospital an mga samaran nga biktima nga hira Wennifredo Jabonero, 51; Aisa Kaindoy, 24; Jolito Mareno, 18; April Rose Salem, 14; Georgina Jabonero, 15; Zenaida Aguelo, 52; Genara Tiu, 48; Roger Salem, 38; ngan Love Joy Acobo, 22 anyos.

 

Labot la hini, guinsunog pa han suspect an usa nga sari-sari store ha mao nga lugar.

 

Ha pagkayana in nakapriso na ha Maasin Police Station an mao nga suspect.