NORTH COTABATO – Napasok na nang militar ang lugar kung saan nagtatago ang mga miyembro ng Bangsamoro Islamic Freedom Fighter (BIFF) sa sitio Pedtad, Barangay Gaunan, M’lang, North Cotabato.

 

Una rito, nagsasagawa ng clearing operations ang militar sa lugar.

 

Ilang mga bakas ng dugo ang kanilang natagpuan na pinaniniwalaang mula sa sugatan o nasawing kalaban. 

 

Unang napaulat na apat na BIFF ang nasawi at pito ang nasugatan nang paputukan ng mga sundalo gamit ang 105mm howitzers cannon.

 

Bago ito pinasok ng BIFF ang Brgy Pibao sa bayan pa rin ng M’lang at hinaras ang mga sibilyan.

 

Dahil dito naglunsad ng pursuit operation ang militar laban sa mga rebelde at binomba ang kanilang kampo gamit ang kanyon. (Bombo Garry Fuerzas)