Injured	Killed
0	0

Date: 24 June 2013
Source: Bombo Radyo

CAGAYAN DE ORO CITY- Arestado karon ang upat ka tawo nga giingong suspek sa pagsulay sa pagdagit sa ginang sa Malaybalay City,Bukidnon.

 

Sa paghinabi sa Bombo Radyo Cagayan de Oro, gisaysay ni Bukidnon provincial police director Sr Supt Glenn de la Torre nga giila ang biktima nga si Neneta Sunday nga residente sa maong lugar.

 

Matud ni De la Torre nga nagtakubang mga depositor ang mga suspek hinungdang nagpakuyog sila padulong sa usa ka bangko.

 

Apan nakamatikod ang biktima nga lahi na ang panglihok-lihok sa mga suspek hinungdang naningkamot kining dili makasakay sa usa ka van nga giandam sa lugar.

 

Gilayong nagpatabang ang biktima hinungdang naabtan pa sa kapolisan ang mga suspek nga wala pa makabiyahe sa lugar.

 

Giangkon usab sa usa sa mga suspek nga si Jesus Morata nga laraw gayud unta nila nga biktimahon si Sunday apan dili aron dagiton.

 

Gipamugos ni Morata nga gusto lamang unta nila kuhaon ang bitbit nga ATM cards sa bitkima aronm sila na ang mo-withdraw sa unod nga salapi niini.

 

Giangkon usab sa mga suspek nga grupo sa budol-budol ang ilang pundok ug laraw pa unta nila nga moadto sa Bacolod City ning semana.

 

Sa pagkakaron, giandam na ang tukmang kaso aron masang-at sa piskalya sa adlaw’ng Lunes.