| Injured | Killed |
|---|---|
| 2 | 0 |
Date: 01 February 2013
Source: Dzmm By Ronilo Dagos, Laguna Correspondent | 20:35 PM 01/31/2013
Apat na estudyante ang pinasok ng tatlong armadong magnanakaw sa kanilang inuupahang apartment sa Cabuyao, Laguna. at matapos pagnakawan ay ginahasa pa ng isa sa suspect ang isa sa mga biktima.
Batay sa report ng Cabuyao Police, dakong alas-3:30 ng madaling araw nang pasukin ng mga kawatan ang tinutuluyan ng mga biktima sa ikalawang palapag ng Flores Apartment sa Relica street, Barangay Pulo.
Unang kinatok ng mga suspek ang kwartong tinutulugan ng mga biktimang sina Krislie San Marquez, 19-anyos, at Jojie Alo 22, pawang tubong Oriental Mindoro, at mga intern sa Ionic Company sa Cabuyao.
Nang buksan ni Alo ang pinto, pinalo umano ito ng baril sa noo ng isa sa mga suspek at kinaladkad papasok.
Matapos limasin ang mga gamit, tinutukan naman ng baril ng mga suspek ang biktimang si San Marquez at pinakatok sa kwartong tinutulugan naman nina Marivic Pablorina at isang itinago sa pangalang Myra, 20.
Matapos makapasok, tinutukan ng baril at kinaladkad ng isa sa mga suspek ang biktimang si Myra patungo sa comfort room at ginahasa.
Mabilis na tumakas ang mga suspek matapos ang krimen tangay ang mga cellphone at alahas ng mga biktima at cash money na tinatayang nagkakahalaga ng P10,000.