Injured	Killed
0	1

Date: 30 May 2013
Source: Bombo Radyo

KORONADAL CITY – Dead on arrival na sang gindala sa balay-bululngan ang 38-anyos nga lalaki nga biktima sang pagpangluthang sa Purok Sta. Cruz, Barangay Cannery Site, Polomolok, South Cotabato.

 

Ginkilala ang biktima nga si Gladner Raneses Belen nga residente sang Salada Subdivision, sang nasambit nga banwa.

 

Naguwa sa inisyal nga inbestigasyon sang Polomolok PNP nga padulong ang biktima sa billiard hall nga ginapanag-iyahan sang isa ka Arnold Lizada sa nasambit nga lugar sang ginpalapitan sang duha ka lalaki nga wala sini makilala at gilayon nga ginluthang sang makaduha ka beses sa dughan nga nangin rason sang gilayon sini nga kamatayon.

 

Gilayon man nga nagpalagyo ang suspek sakay snag pula kag itom nga motorsiklo matapos magluntad ang pagpatay.

 

Sa subong, nagapadayon ang inbestigasyon sang Polomolok PNP sa pagpamuno ni Police Chief Inspector George Binco Parcon sa pagpatay kag ginahibalo ang motibo sang krimen subong man ang mga responsable.