Injured	Killed
0	1

Date: 31 March 2013
Source: Bombo Radyo

CAGAYAN DE ORO CITY- Patay ang usa ka lalaki sa dihang gitigbas og sundang sa iyang kauban og inom diha sa may Barangay Taglimao, Lumbia ning syudad.

Giila ang namatay nga si Ike Jalagat, 38-anyos samtang ang suspek mao si Jessyl Malate, 20-anyos pulos residente sa nasampit nga lugar.

Matud ni Police Senior Inspector Erickson Sabanal, hepe sa Lumbia Police Station nga personal nga away o panaglalis ang motibo sa nasampit nga pagpanigbas.

Giingong nagkalalis ang duruha sa wala gikabutyag nga rason samtang nagtagay.

Nakaangkon ang biktima og samad sa iyang tangkugo ug likod nga maoy hinungdan sa iyang kamatayon.

Detinado karon sa Lumbia Police Station ang suspek ug gikatakdang pasakaan sa kasong pagpatay.